|
ਜਿਉ ਬੋਲਾਵਹਿ ਤਿਉ ਬੋਲਹ ਸੁਆਮੀ ਕੁਦਰਤਿ ਕਵਨ ਹਮਾਰੀ ॥
ਜਿਸ ਤਰ੍ਹਾਂ ਤੂੰ ਮੈਨੂੰ ਬੁਲਾਉਂਦਾ ਹੈ, ਉਸੇ ਤਰ੍ਹਾਂ ਹੀ ਮੈਂ ਬੋਲਦਾ ਹਾਂ, ਹੇ ਮੇਰੇ ਮਾਲਕ! ਨਹੀਂ ਤਾਂ ਮੇਰੇ ਵਿੱਚ ਬੋਲਣ ਦੀ ਕਿਹੜੀ ਤਾਕਤ ਹੈ? ਸਾਧਸੰਗਿ ਨਾਨਕ ਜਸੁ ਗਾਇਓ ਜੋ ਪ੍ਰਭ ਕੀ ਅਤਿ ਪਿਆਰੀ ॥੮॥੧॥੮॥ ਸਤਿ ਸੰਗਤ ਅੰਦਰ, ਜਿਹੜੀ ਸੁਆਮੀ ਨੂੰ ਪਰਮ ਮਿੱਠੜੀ ਲੱਗਦੀ ਹੈ, ਨਾਨਕ ਨੇ ਉਸ ਦੀ ਸਿਫ਼ਤ-ਸਲਾਹ ਗਾਇਨ ਕੀਤੀ ਹੈ। ਗੂਜਰੀ ਮਹਲਾ ੫ ਘਰੁ ੪ ਗੂਜਰੀ ਪੰਜਵੀਂ ਪਾਤਿਸ਼ਾਹੀ। ੴ ਸਤਿਗੁਰ ਪ੍ਰਸਾਦਿ ॥ ਵਾਹਿਗੁਰੂ ਕੇਵਲ ਇਕ ਹੈ। ਸੱਚੇ ਗੁਰਾਂ ਦੀ ਮਿਹਰ ਦੁਆਰਾ ਉਹ ਪਾਇਆ ਜਾਂਦਾ ਹੈ। ਨਾਥ ਨਰਹਰ ਦੀਨ ਬੰਧਵ ਪਤਿਤ ਪਾਵਨ ਦੇਵ ॥ ਹੇ ਮੇਰੇ ਸੁਆਮੀ, ਵਾਹਿਗੁਰੂ! ਮਨੁੱਖ-ਸ਼ੇਰ ਅਵਤਾਰ, ਗਰੀਬਾਂ ਦਾ ਸਨਬੰਧੀ, ਪਾਪੀਆਂ ਨੂੰ ਪਵਿੱਤਰ ਕਰਨ ਵਾਲੇ, ਭੈ ਤ੍ਰਾਸ ਨਾਸ ਕ੍ਰਿਪਾਲ ਗੁਣ ਨਿਧਿ ਸਫਲ ਸੁਆਮੀ ਸੇਵ ॥੧॥ ਡਰ ਅਤੇ ਭੈਅ ਨੂੰ ਨਸ਼ਟ ਕਰਨ ਵਾਲੇ, ਮਿਹਰਬਾਨ ਮਾਲਕ ਅਤੇ ਖੂਬੀਆਂ ਦੇ ਖਜਾਨੇ! ਫਲਦਾਇਕ ਹੈ ਤੇਰੀ ਸੇਵਾ ਟਹਿਲ। ਹਰਿ ਗੋਪਾਲ ਗੁਰ ਗੋਬਿੰਦ ॥ ਵਾਹਿਗੁਰੂ ਸੰਸਾਰ ਦਾ ਪਾਲਣ-ਪੋਸਣਹਾਰ ਅਤੇ ਆਲਮ ਦਾ ਵੱਡਾ ਮਾਲਕ ਹੈ। ਚਰਣ ਸਰਣ ਦਇਆਲ ਕੇਸਵ ਤਾਰਿ ਜਗ ਭਵ ਸਿੰਧ ॥੧॥ ਰਹਾਉ ॥ ਤੇਰੇ ਪੈਰਾਂ ਦੀ ਮੈਂ ਪਨਾਹ ਲਈ ਹੈ, ਹੇ ਮਿਹਰਬਾਨ ਮਾਲਕ! ਮੈਨੂੰ ਭਿਆਨਕ ਸੰਸਾਰ ਸਮੁੰਦਰ ਤੋਂ ਪਾਰ ਕਰ ਦੇ। ਠਹਿਰਾਉ। ਕਾਮ ਕ੍ਰੋਧ ਹਰਨ ਮਦ ਮੋਹ ਦਹਨ ਮੁਰਾਰਿ ਮਨ ਮਕਰੰਦ ॥ ਇੰਦ੍ਰੀ-ਰਸ ਅਤੇ ਰੋਹ ਨੂੰ ਨਵਿਰਤ ਕਰਨਹਾਰ, ਹੰਕਾਰ ਅਤੇ ਸੰਸਾਰੀ ਲਗਨ ਨੂੰ ਸਾੜਨ ਵਾਲੇ, ਹੰਗਤਾ ਦੇ ਵੈਰੀ, ਆਤਮਾ ਦੇ ਸ਼ਹਿਦ, ਜਨਮ ਮਰਣ ਨਿਵਾਰਿ ਧਰਣੀਧਰ ਪਤਿ ਰਾਖੁ ਪਰਮਾਨੰਦ ॥੨॥ ਮੇਰਾ ਜੰਮਣਾ ਅਤੇ ਮਰਨਾ ਮੇਟ ਦੇ, ਹੇ ਧਰਤੀ ਦੇ ਥੰਮਣਹਾਰ, ਅਤੇ ਮੇਰੀ ਲੱਜਿਆ ਰੱਖ, ਹੇ ਮਹਾਨ ਪ੍ਰਸੰਨਤਾ-ਸਰੂਪ! ਜਲਤ ਅਨਿਕ ਤਰੰਗ ਮਾਇਆ ਗੁਰ ਗਿਆਨ ਹਰਿ ਰਿਦ ਮੰਤ ॥ ਜਦ ਗੁਰਾਂ ਦੀ ਬਾਣੀ ਦੁਆਰਾ, ਵਾਹਿਗੁਰੂ ਦੀ ਗਿਆਤ ਹਿਰਦੇ ਅੰਦਰ ਟਿਕ ਜਾਂਦੀ ਹੈ, ਤਾਂਂ ਧਨ-ਦੌਲਤ ਦੀ ਖਾਹਿਸ਼ ਦੀਆਂ ਅਨੇਕਾਂ ਲਹਿਰਾਂ ਸੜ ਜਾਂਦੀਆਂ ਹਨ। ਛੇਦਿ ਅਹੰਬੁਧਿ ਕਰੁਣਾ ਮੈ ਚਿੰਤ ਮੇਟਿ ਪੁਰਖ ਅਨੰਤ ॥੩॥ ਹੇ ਰਹਿਮਤ ਦੇ ਸਰੂਪ! ਬੇਅੰਤ ਸੁਆਮੀ, ਮੇਰੀ ਹੰਕਾਰੀ ਮਤ ਨੂੰ ਮੇਟ ਦੇ ਅਤੇ ਮੇਰੇ ਫਿਕਰ ਨੂੰ ਦੂਰ ਕਰ ਦੇ। ਸਿਮਰਿ ਸਮਰਥ ਪਲ ਮਹੂਰਤ ਪ੍ਰਭ ਧਿਆਨੁ ਸਹਜ ਸਮਾਧਿ ॥ ਹਰ ਮੁਹਤ ਅਤੇ ਛਿਨ ਤੂੰ ਸਰਬ-ਸ਼ਕਤੀਵਾਨ ਦਾ ਆਰਾਧਨ ਅਤੇ ਅਡੋਲਤਾ ਦੀ ਤਾੜੀ ਅੰਦਰ ਸਾਈਂ ਦੀ ਬੰਦਗੀ ਧਾਰਨ ਕਰ। ਦੀਨ ਦਇਆਲ ਪ੍ਰਸੰਨ ਪੂਰਨ ਜਾਚੀਐ ਰਜ ਸਾਧ ॥੪॥ ਹੇ ਗਰੀਬਾਂ ਉਤੇ ਮਿਹਰਬਾਨ ਅਤੇ ਪੂਰੀ ਤਰ੍ਹਾਂ ਅਨੰਦਤ ਸੁਆਮੀ! ਮੈਂ ਤੇਰੇ ਸੰਤਾਂ ਦੇ ਪੈਰਾਂ ਦੀ ਧੂੜ ਮੰਗਦਾ ਹਾਂ। ਮੋਹ ਮਿਥਨ ਦੁਰੰਤ ਆਸਾ ਬਾਸਨਾ ਬਿਕਾਰ ॥ ਝੂਠੀ ਹੈ ਸੰਸਾਰ ਮਮਤਾ, ਮੈਲੀ ਹੈ ਖਾਹਿਸ਼ ਅਤੇ ਮੰਦੀ ਹੈ ਲਾਲਸਾ। ਰਖੁ ਧਰਮ ਭਰਮ ਬਿਦਾਰਿ ਮਨ ਤੇ ਉਧਰੁ ਹਰਿ ਨਿਰੰਕਾਰ ॥੫॥ ਇਨ੍ਹਾਂ ਤੋਂ ਮੇਰਾ ਇਮਾਨ ਬਚਾ ਲੈ, ਮੇਰੇ ਹਿਰਦੇ ਤੋਂ ਵਹਿਮ ਦੂਰ ਕਰ ਦੇ ਤੇ ਮੇਰਾ ਪਾਰ ਉਤਾਰਾ ਕਰ, ਹੇ ਆਕਾਰ ਰਹਿਤ ਸੁਆਮੀ! ਧਨਾਢਿ ਆਢਿ ਭੰਡਾਰ ਹਰਿ ਨਿਧਿ ਹੋਤ ਜਿਨਾ ਨ ਚੀਰ ॥ ਜਿਨ੍ਹਾਂ ਕੋਲ ਕੱਪੜਾ ਭੀ ਨਹੀਂ, ਉਹ ਵਾਹਿਗੁਰੂ ਦੀ ਦੌਲਤ ਰਾਹੀਂ ਅਮੀਰ ਅਤੇ ਖਜਾਨੇ-ਸਹਿਤ ਹੋ ਜਾਂਦੇ ਹਨ। ਖਲ ਮੁਗਧ ਮੂੜ ਕਟਾਖ੍ਯ੍ਯ ਸ੍ਰੀਧਰ ਭਏ ਗੁਣ ਮਤਿ ਧੀਰ ॥੬॥ ਮਾਇਆ ਦੇ ਸੁਆਮੀ ਦੀ ਦਇਆ-ਦ੍ਰਿਸ਼ਟੀ ਦੁਆਰਾ, ਮੂਰਖ, ਜੜ੍ਹ, ਅਤੇ ਬੇਸਮਝ, ਨੇਕ ਤੇ ਧੀਰਜਮਈ ਚਿੱਤ ਵਾਲੇ ਹੋ ਜਾਂਦੇ ਹਨ। ਜੀਵਨ ਮੁਕਤ ਜਗਦੀਸ ਜਪਿ ਮਨ ਧਾਰਿ ਰਿਦ ਪਰਤੀਤਿ ॥ ਆਲਮ ਦੇ ਸੁਆਮੀ ਦਾ ਸਿਮਰਨ ਅਤੇ ਆਪਣੇ ਚਿੱਤ ਵਿੱਚ ਉਸ ਵਿੱਚ ਭਰੋਸਾ ਕਰਨ ਦੁਆਰਾ, ਹੇ ਬੰਦੇ! ਤੂੰ ਜੀਉਂਦੇ ਜੀ ਬੰਦ-ਖਲਾਸ ਹੋ ਜਾਵੇਗਾ। ਜੀਅ ਦਇਆ ਮਇਆ ਸਰਬਤ੍ਰ ਰਮਣੰ ਪਰਮ ਹੰਸਹ ਰੀਤਿ ॥੭॥ ਪ੍ਰਾਣਧਾਰੀਆਂ ਉਤੇ ਰਹਿਮ ਅਤੇ ਤਰਸ ਕਰਨਾ ਸਾਈਂ ਨੂੰ ਹਰ ਥਾਂ ਵਿਆਪਕ ਅਨੁਭਵ ਕਰਨਾ, ਮਹਾਂ ਰਾਜਹੰਸ (ਗੁਰਮੁੱਖਾਂ) ਦੀ ਜੀਵਨ ਮਰਯਾਦਾ ਹੈ। ਦੇਤ ਦਰਸਨੁ ਸ੍ਰਵਨ ਹਰਿ ਜਸੁ ਰਸਨ ਨਾਮ ਉਚਾਰ ॥ ਵਾਹਿਗੁਰੂ ਉਨ੍ਹਾਂ ਨੂੰ ਆਪਣਾ ਦੀਦਾਰ ਬਖਸ਼ਦਾ ਹੈ। ਜੋ ਉਸ ਦੀ ਕੀਰਤੀ ਸੁਣਦੇ ਹਨ, ਤੇ ਆਪਣੀ ਜੀਭ੍ਹ ਨਾਲ ਉਸ ਦਾ ਨਾਮ ਜੱਪਦੇ ਹਨ। ਅੰਗ ਸੰਗ ਭਗਵਾਨ ਪਰਸਨ ਪ੍ਰਭ ਨਾਨਕ ਪਤਿਤ ਉਧਾਰ ॥੮॥੧॥੨॥੫॥੧॥੧॥੨॥੫੭॥ ਉਹ ਹਮੇਸ਼ਾ, ਮੁਬਾਰਕ ਮਾਲਕ ਦੀ ਹਜ਼ੂਰੀ ਅਤੇ ਛੁਹ ਮਹਿਸੂਸ ਕਰਦੇ ਹਨ। ਪ੍ਰਭੂ ਪਾਪੀਆਂ ਦਾ ਪਾਰ ਉਤਾਰਾ ਕਰਨ ਵਾਲਾ ਹੈ। ਗੂਜਰੀ ਕੀ ਵਾਰ ਮਹਲਾ ੩ ਸਿਕੰਦਰ ਬਿਰਾਹਿਮ ਕੀ ਵਾਰ ਕੀ ਧੁਨੀ ਗਾਉਣੀ ਗੂਜਰੀ ਜੱਸਮਈ ਕਵਿਤਾ ਤੀਜੀ ਪਾਤਿਸ਼ਾਹੀ।ਸਿਕੰਦਰ ਬਿਰਾਹਮ ਕੀ ਵਾਰ ਦੀ ਸੁਰ ਅਨੁਸਾਰ ਗਾਉਣੀ। ੴ ਸਤਿਗੁਰ ਪ੍ਰਸਾਦਿ ॥ ਵਾਹਿਗੁਰੂ ਕੇਵਲ ਇਕ ਹੈ। ਸੱਚੇ ਗੁਰਾਂ ਦੀ ਦਇਆ ਦੁਆਰਾ ਉਹ ਪਾਇਆ ਜਾਂਦਾ ਹੈ। ਸਲੋਕੁ ਮਃ ੩ ॥ ਸਲੋਕ ਤੀਜੀ ਪਾਤਿਸ਼ਾਹੀ। ਇਹੁ ਜਗਤੁ ਮਮਤਾ ਮੁਆ ਜੀਵਣ ਕੀ ਬਿਧਿ ਨਾਹਿ ॥ ਇਹ ਸੰਸਾਰ ਅਪਣੱਤ ਅੰਦਰ ਮਰ ਰਿਹਾ ਹੈ। ਇਸ ਨੂੰ ਜਿੰਦਗੀ ਦੀ ਜੁਗਤ ਨਹੀਂ ਆਉਂਦੀ। ਗੁਰ ਕੈ ਭਾਣੈ ਜੋ ਚਲੈ ਤਾਂ ਜੀਵਣ ਪਦਵੀ ਪਾਹਿ ॥ ਜਿਹੜਾ ਗੁਰਾਂ ਦੀ ਰਜ਼ਾ ਅੰਦਰ ਟੁਰਦਾ ਹੈ, ਐਸਾ ਪੁਰਸ਼ ਅਬਿਨਾਸ਼ੀ ਮਰਤਬਾ ਪਾ ਲੈਂਦਾ ਹੈ। ਓਇ ਸਦਾ ਸਦਾ ਜਨ ਜੀਵਤੇ ਜੋ ਹਰਿ ਚਰਣੀ ਚਿਤੁ ਲਾਹਿ ॥ ਉਹ ਪ੍ਰਾਣੀ ਜੋ ਵਾਹਿਗੁਰੂ ਦੇ ਪੈਰਾਂ ਨਾਲ ਆਪਣੇ ਮਨ ਨੂੰ ਜੋੜਦਾ ਹੈ, ਹਮੇਸ਼ਾਂ ਹਮੇਸ਼ਾਂ ਲਈ ਜੀਊਂਦੇ ਰਹਿੰਦੇ ਹਨ। ਨਾਨਕ ਨਦਰੀ ਮਨਿ ਵਸੈ ਗੁਰਮੁਖਿ ਸਹਜਿ ਸਮਾਹਿ ॥੧॥ ਨਾਨਕ, ਆਪਣੀ ਦਇਆ ਦੁਆਰਾ ਸਾਹਿਬ ਚਿੱਤ ਅੰਦਰ ਵਸਦਾ ਹੈ। ਗੁਰੂ-ਸਮਰਪਨ ਸੁਖੈਨ ਹੀ ਉਸ ਵਿੱਚ ਲੀਨ ਹੋ ਜਾਂਦੇ ਹਨ। ਮਃ ੩ ॥ ਤੀਜੀ ਪਾਤਿਸ਼ਾਹੀ। ਅੰਦਰਿ ਸਹਸਾ ਦੁਖੁ ਹੈ ਆਪੈ ਸਿਰਿ ਧੰਧੈ ਮਾਰ ॥ ਆਪ-ਹੁਦਰਿਆਂ ਦੇ ਅੰਤ੍ਰੀਵ ਵਹਿਮ ਦੀ ਪੀੜ ਹੈ। ਅਹਿਮ ਕੰਮਾਂ ਵਿੱਚ ਉਹ ਆਪਣੇ ਆਪ ਨੂੰ ਮਾਰ ਲੈਂਦੇ ਹਨ। ਦੂਜੈ ਭਾਇ ਸੁਤੇ ਕਬਹਿ ਨ ਜਾਗਹਿ ਮਾਇਆ ਮੋਹ ਪਿਆਰ ॥ ਦਵੈਤ-ਭਾਵ ਵਿੱਚ ਸੁੱਤੇ ਹੋਏ, ਉਹ ਕਦੇ ਭੀ ਨਹੀਂ ਜਾਗਦੇ। ਉਹ ਦੌਲਤ ਨਾਲ ਪ੍ਰੀਤ ਤੇ ਪ੍ਰੇਮ ਕਰਦੇ ਹਨ। ਨਾਮੁ ਨ ਚੇਤਹਿ ਸਬਦੁ ਨ ਵੀਚਾਰਹਿ ਇਹੁ ਮਨਮੁਖ ਕਾ ਆਚਾਰੁ ॥ ਉਹ ਨਾਮ ਨੂੰ ਚੇਤੇ ਨਹੀਂ ਕਰਦੇ ਤੇ ਗੁਰਬਾਣੀ ਨੂੰ ਨਹੀਂ ਵੀਚਾਰਦੇ। ਇਹ ਹੈ ਚਾਲ ਚੱਲਣ ਪ੍ਰਤੀਕੂਲ (ਮਨ ਦੀ ਮੱਤ ਪਿੱਛੇ ਤੁਰਨ ਵਾਲਿਆਂ) ਪੁਰਸ਼ਾਂ ਦਾ। copyright GurbaniShare.com all right reserved. Email |